CeBu CeBoom CeBlog

Peru,
Karon…
Amiga, Amigo
Bisan-asang bisyo, hala sige ngadto
Inum diri, inom didto
Hala suyop, bisan-unsa suyopon
Pati ang aso sa katol wala kaikyas gisuyop gihapon
Kay lagi, Amiga Amigo
Basin manluod kuno
Kini si Inday pasta gud nga pagkayabaga
Mapatomboy o mapabayot wa gud paik-yasa
Karon nagmahay kay niburot nang tiyan
Ikaw mag-inusara ra sang kasab-anan sa inahan
Kay lagi inyo’ng sayop, hala atubangan
Amigo, Amiga asa na sila
Bahala na ka diha’g mag-inusara

Amigo, Amiga!!!
Karon sa imo, wala na kaila
Kini sad si dodong, nakakita og ingkuwentro…
Nagpalaban sad sa mga ka-grupo
Bisan og sayop hala himo-ong sakto
Kay ingon pa! Amigo, Amiga magtinabangay
Karon sa Dodong nakapatay…
Dodong wa jud naghunahuna
Unsa nalang kaha ang imong ugma…
Kinsay nag-antos kamo lang gihapon
Pati ang pangalan sa imong kagrupo
Naangul pa tungod kanimo
Image ninyo guba na kaayo
Mistra’g maistro wala na hapit salig sa inyo
Pati sa pag-OJT naglisud na hinuon mo…

Amigo, Amiga
Layo na kaayo mo
Kung ikaw matinud-anon
Buhata ang sakto kay ikaw ang among sundon
Kanindot paminawon
Nga ikaw ilang idolo
Kay kitang tanan usa sa mga modelo
Mapabakol o mapabungi
Mapakimpang o mapabusngi
Mapaputot man o mapataas
Kkilang tanan
Angay nga magtinabangay
Kaya nasa kasingkasing ang bugtong nga kalipay
Ang makalampos sa pag-tuon
Magpuyo nga malinawon
Ug makab-ot
Ang atong tagsa-tagsa ka ambisyon
Hunahunaa sa makadaghan
Kausa ra ta mabuhi niining kalibutan